B & M

Burina & Michina
La cüra plastica
Liberamente tratta dalla poesia “Resta c’m’è t’ei” di Sandro Locardi



MICHINA: - Burina, ancó t’am smeij la Liana Orfei pénna surtia dal baracon di spécc e sensa trücc an s’el mur. T’ei bela slavaja c’m’è cula là dj Adams la..cosa...c’m’è ch’uss ciama...la Murtissia ma...sensa rusëtt an s’el lavri e sensa spasëti an s’el parpeij
BURINA: - Ooooohhh, set saveisi maij, Michenna...Uj’è jën ch’um sta ‘drera...del vòti onche d’adnòn, a sgonda d’l’ucasión...
M.: - L’è šà d’an pess ch’la düra o no ?...Mé a sava nent du tütt e pensè che ta m’hai semp dicc tütt d’la tó vita...Ma e....Chi c’l’è ? Al cunoss mé ?
B.: - No, noo. Ajava poura a parlé, t’sai c’mé ca lè...la privaci...
M.: - Va nòn privaci...l’è da quondi che t’hai vent’ani ch’at fai la soutaciuendi an po’ con ist e an po’ con cul...
B.: - T’hai rašon, t’hai rašon tònt vòti on che con cul..
M.: - Ma us pó savej chi c’l’è o no ?
B.: - L’è in siciliòn, gelušš c’m’è ‘n macaco. A l’ho cuntsì andònda crumpè in curté da mašlè, lü, anveci, da masè. U m’ha dicc c’l’era in rigal per só mujé. Pensa c’um parla semp d’verginità el vó savej del ròbi da mé...Se ca fava da giuvna...se ca fava da chi, se ca fava da là e po’ um ciama d’jafari che mé...a son mea ‘n’ostetrica o ‘n ginecologo!
M.: - Se ch’el vó savej se t’ei ancura jënna püra ? Ma ul sa che t’ei spusaja con in marì e fidansaja con ater quatordes ?
B.: - Ošàaaaa. Mé ai vaggh a dì i mé afari...us rongerrà ! L’è c’l’è digurdì, l’è bastonsa giuvu, u smea tütt a Brad Piciu. Adess aj’ho fina poura ch’um fasa visitè da ‘n dutur speciališà in amenità !
M.: - Imenità...t’aurivi dì...imenità, nenta amenità. S’ut feisa fè s’afari lé, t’pori scapè a ‘n’Australia se d’no t’vighi cul curté che poncia au lapis ch’ut fa !
Però u m’è ‘mnì ‘n ment che t’ pori fat fè ‘na plastica astringenta...Mè a cuntsiva jënna ch’ l’è riturnaja bela nova...con sa plastica.
B.: - Uà che mé a son šà ‘ndacia da cui lé speciališà an ridusion del cuercc d’la marmita ma i mon semp dicc che per mé uj’andava ‘na pel d’in’elefont e mé a vótt ca vaga an’Africa ?
M.: - Alura sta tenta che forse ajuma truà la quadra per fè a menu d’l’elefont. L’è ‘na cüra ch’la custa poch...pea u lapis e fa scrivi da jën cu sea bon a scrivi...alura:
t’devi piè doj pum bos, meš liter d’limon, fa buij, dop t’hai gionti trej cügiar ad puvi d’gëss con quater foj d’còla d’pëss. Da ‘na part, ant’na terenna, t’monti a fioca dess biònc d’ovf e t’jarmürssci ansema a in liter d’vinavil.
Ista l’è ‘na dose per ‘na smonna ma per té uj n’andrà u dupi !
B.: - Se ca ‘na fasa ? ‘Na brenta ?
M.: - Ma forse l’è mej cad’no...e se ischilé el füssa bel piasà con in afari da Ulimpiadi...No, no..l’è mej ch’ad’no...Onsi ut cunven pü tont andè da Cicotu u savaten fet dè la scarpa d’ligna da quarontadoj ch’us posa slarghè ‘ncura e cmensa šà da stasira a bütèla an furma.
B.: - A son an po’ andeciša tra ‘l quarontadoj el quorontatrej...mah..ai ciamerró a Cicotu el savaten...Ciauuu.

Ferry