MICHINA: - Porca l’oca Burénna l’è stacia ‘na smònna ad terur ista chinchì tra la fioca, la lesa, la sa da sbardlè, l’uspidal del Crist...Uhh, che grònni...Us pó pü stè ‘n pass au dì d’ancó ! Tè set dizi ?
BURINA: - Im fòn ancura mà ‘dess i brass a forsa ‘d’fè del calà a ca mea !!
M.: - E tó marì Pinotu u t’ha nenta dacc ‘na mòn per fè ‘l calà ?
B.: - Ossé...lü el calà uj fa an mes el buti ‘d ven...El büta da ‘na part la barbera e da l’atra el dusëtt an manéra da pudej pasè ‘n mès. D’ogni tònt us ferma tacà ‘na pila ‘d grignulen e ul tasta c’m’è chi fòn cui chi s’n’antendu, cui ch’j’hon el pignaten cit tacà ‘l cò...ammachi che lü l’ha nenta el pignaten...lü l’ha ‘na tasa c’l’a ten mes liter per vòta..Quondi ch’el riturna an cà l’avrà zà pià doij o trej viandón...ma nenta an s’el scali...adritüra an s’l’asensërr.
M.: - Lasa perdi Burina...set vori mai...at diggh nenta d’ mé marì se d’ no admòn a suma ancura chi...Pütost at vist che lastrón d’giasa ch’ieru an s’el strà..? Eh, ozà per forsa...U m’ha dicc jën ch’el guida i sbardlasà chl’ha ricevì urdin, prima ancura d’ parti, ad teni sarà ‘l bogg....e lü uj’ha rispost che, s’uj scapa, el pó nenta sciupè...che s’uj scapa tüta ‘nt’na vòta l’è griza...no, ònsi l’è pütost marón.
B.: - E alura us l’è facia ‘nt’el braij ?
M.: - Ma no, l’ava capì ciòca per bròca...El cap cantié, ch’el pea urdin da l’inginié, s’l’è laureà...o da u geometra s’l’a facc el ginasiu, che, a só vòta, el ciapa el pussón da l’asesur a la Pruensa, l’auriva dì ad fè fenta ad sbardlè la sa an s’el strà...ma ad tenla da chënt perché la custa cara !
B.: - Us viggh c’l’è d’ina marca pü salaja che j’atri...magari sal ingleiss o con l’odio !
M.: - Ma va là...a sat pü se dì...Pütost...um ven da dì che suta cula sà, uj seia onche l’óli e l’azì...Mah !
B.: - Acsé pó la culpa l’è d’cul là ch’el pasa con la leza…ch’el lasa la cracia da suta, con tütt i bogg ch’ut smea d’avej el taramòtt ant’el vulònter d’la machina !
M.: - U smea nenta ma t’ei nent ‘na ciula, neehh !
B.: - Ah, maaa, l’è nionca el prim ani ch’uj sucéd is ròbi...Euuhhh, l’è d’acsé ! Mè anveci a só che cuj d’la leza an bel mument is devu fermè perché i ricevu l’urdin ad bluchè tütt...che antònt u sta per finì d’fiuchè. A só nenta c’m’ela maij ma quondi chi dizu is ròbi...el fiòca ancura per trej uri, c’m’è minim.
M.:- In uslén um diss che la paga a chilometro ch’ij dòn, multiplicà per i chilometri...a la longa el mudur u sa smorsa...at capì ?
B.: - Sei ch’jho capì, l’è ‘na questión d’ mecanica e mudur...
M.: - Ecu...Adess anveci t’smeij propi ‘na ciula...
B.: - Aj’ho nent capì ma am fid ad tè...Cambiònda discurs...C’m’è ch’il ciamerròn l’uspidal novf al Crist ?
M.:- Fòndli al Crist, pü che ciamesi Madòna del Rusari, il poru nent ciamè divers ut smea o no ?
B.: - Adess um smea...nenta tònt neehh…ma...che la ciula t’sei tè...Mah !
M.:- Lassla buij, fa nent l’ansansaja... El pastiss el verrà fóra quondi cucdën u ciamerrà indicassión: “Ch’um scüsa munsü, um sa dimi andó ch’l’è l’uspidal Madóna del Rusari ?” – “Semper dricc per al Crist!” Mé a diggh che ist’ater chi us pea in bel pügnaton an s’el mur...Pütost at vist el casëti d’ligna, an piasa Ratass ?
B.: - Piasa Ratass o d’la Libertà ?
M.:- Andó c’u j’è i rat uj’è la libertà pü grònda !
B.: - Am sent piaja in filén, ma propi in filén, neehh, per el ciambronni. Ma a part sulé, a j’ho vist chi son cà saraij, c’m’ela mai ?
M.:- L’è da u cinquontótt ch’el cà i són saraj...andó t’vivi?
B.: - T’vigherrai che tra ‘n po’ j’a drobu turna, magara per Nadal...t’sai i rivu el tredicesimi.
M.: - Uuuhh, ta m’hai facc amnì ‘n ment ch’a devf andè a ritirè la mé tredicesima an bonca. A devf andè prima chi saru, ciau Burina a s’avguma n’atra smònna.
