Burina & Michina
C’la sea propi ciculata?
BURINA: - Ooohhh, Michina, andó t’ei stacia ant’isti dì che ta t’ei pü facia vighi ?
MICHINA: - Uuuhhh per carità Burina, lassla buji...A son propi meza anvilinaja e per l’atra meza a só nionca mé...
B.: - Perchè, c’sé cu t’è capità? T’éi sagrinaja perchè l’’è drucaja la bursa a Nuova York ?
M.: - Set vóri cu m’anteresa s’l’è drucaja ‘na bursa fina la ‘ncò...Mé la mea a la ten ben stricia al brass, se t’ei drera a dì?
B.: - Ma nenta la bursa da bütej la roba andrenta, la bursa economica-finansiaria !
M.: - E ben? Pü economica d’la mé bursa se cuj’è? L’è ‘na bursa ad plastica ecosistematica facia coj fujachen, cu s’as sfà quondi ch’el piof e la turna c’m’è prima quond’ cuj’è u su !
B.: - Ozàaaaah, e su j’è ‘l venter la ven turna in fujachen...Ma a sat pü se dì?
M.: - Uarda che mé per la roba ecostatica a fass qualunque sacrifissi...onche el siopero d’la fam c’m’è Mastella !
B.: - T’at cunfondi...el fa rima... ma l’è nent Mastella...l’è Pannella cul ch’el fa ‘l siopero d’la fam e onchesei, d’la sei.
M.: - A l’è medesim tont il fon né jën, né l’ater...e specialment cul d’la sei...Cul lò...c’m’è cus ciama...Panada...uj piass beivi d’jurinari péinni ‘d piss...Lü l’è c’m’è la funtanenna növa ad Son Miché...La pea l’acqua da suta per trèla d’ansüma.
B.: - Va ben ma sgagti ch’aj’ho pressia...Andó t’ei andacia?
M.: - A són andacia an centro per la ciculata. I m’hon dicc chi la davu vea a gratis e mé quond c’l’è a gratis aj vagh semper...Aj’ho pià la mé biciclëta, a son andacia a pustegè ant’el silo nóf, ‘d via Parma...
B.: - Ma uà che is i l’hon facc per al machini, se cu j’entra la biciclëta?
M.: - T’l’hai zà dicc té...la biciclëta u j’entra, el machini uari, uari. Uj’è zà el müraji strüzaji dapartütt. Tücc i cantön i smejiu di quader futurista da toncc culur cuj’è ‘nsüma. Uj’è la firma d’ tücc i pü grond carussè italian: Pininfarina, Bertone...Tücc ji són rapresentaji. Quondi che ddevi girè, l’è tont c’m’è avej in mutuo ‘n bonca...Devi fel a rate. Avonti e’ndré, avonti e’ndré. Parluma nenta di sivoli...Sübitt entronda it hon piasà in bel fons lüster c’m’è ‘n specc...O t’vai a bazé ‘l fons o strüzij la müraja. Adess t’faj nenta tonta fadeja perché a forsa ‘ddej andrenta j’hon limà ‘l canton. Aj’ho capì perché ‘l primi du uri i son a gratis...Uj vô ammachi in ura e meza per serchè ‘l post...ut tuca uardè tücc i verd e i russ per serni se andè d’tsura o dabass, fè la manövra avonti e ‘ndrera per girè tütt antur, uardè che t’abi nent d’adrera cuchdën ch’ut sta ‘ns’el crusti, dej la precedensa a cuj chi venu zü da la dricia, fè turna la manövra per ande o sü o zü. Quondi che finalment t’hai bütà a post la machina, se t’hai cuchdën ansèma a tei, ddevi turna fè ‘n po’ d’ retromarcia per fè calè zü i tô amiss sed’no ut tuca ranchè ‘na purtiera e se t’ej magher t’sòrti sübitt, se d’no ut tuca calè zü prima e pô deji in pusson a la machina per bütila au sô post, c’mè ch’us dev. A la fen quondi che t’ei riussì a sorti a pé ‘n via Parma, t’sai pü chi t’ei e chi c’léra tô mama et ciami a cuchdën ‘ndô c’l’è la metropolitana.
B.: - Orcu che ciadé che ta m’hai facc amnì ‘nt’la testa e...la ciculata ?
M.: - Hahaaaah, la ciculata...Tont c’m’è pustegè ‘nt’el silo...la fadéa l’è la medesima. I m’hon dacc da sagè la poncia, ma che poncia...el moinu d’in cügiarén anvernizà d’ciculata ansüma ’n toch pòn böz del guèri d’indipendensa.
Pô, fònda di slalom mej che Abramovic, aj’ho vist in cabaré con la ciculata al nissöri, propi lé d’adnon ch’u smjava ch’el criessa: “Pejmi sgagià !”. L’eissa mai facc ! Peinna chj’ho slungà la mon cullà dadrera ‘l bonc u s’è bütà a bragè...El criava c’m’è in aquila che mé a pudiva nent tuchè cöl mòn e mé j’ho dicc se a dujva ammachi deji ‘na barlicaja e basta e lü l’è amnì del culur d’la ciculata e u ma tracc ad föra ‘na storia d’igiene, sanità, Asl, disinfestassion, Carabinié, Puliseja, Finonsa, Ris, Antisufisticasion che mé am son sentija amnì del culur d’la ciculata ma l’era nenta ciculata. Antont is idiota l’ha tucà ben ben in biëtt da des euro per vighi s’jeru bönn e pô u m’ha pià lü ‘s’toch ciculata con cul du manassi ‘d merda...Mè a j’ho dicc se prima d’mangè sa furuaja am dujva lavè i dencc e pô a l’ho mulà là c’m’en babiass. Uà s’us pô ési pü creten e urgion...U l’ha facc la figüra del ciculatè ! Anveci an via Canigia i m’hon spüò ‘n pò ‘d roba neira ant’in biceren d’plastica andô che ‘d’sicürr uj’ava zà spüà cuchdën d’ater e i mon dicc che s’auriva ‘na crèpp d’andè vers piasa Marconi, ma mé prima ‘d’dè in crèpp an tera a son turnaja ‘ndréra zà cuj’era amnì sü in aria spüsslenta (c’mè cula ‘d Castelsiriô) ch’u m’ha facc amnì ‘n dübi: c’la seja propi, propi tüta ciculata cula chi donn ? O ch’la sea c’m’è cula d’la cansson ad Mina?
B.: - Uà Michenna ta m’ha facc amnì onzi, at salütt a vaggh a cà a gumitè ‘na vòta.
Ferryboat
