Cari amici, questa Poesia è dedicata ad una categoria di benefattrici che ormai non esiste più. Se ritenete opportuno potete inserirla nella rubrica "El Canton dla Scaja".
Gianni Regalzi
EL SCAJI 'D VIA MILAZZO
'Na vota 'n via Milazzo u j'era 'l scaji
a j'eru di gròn cèsu, ma a bumpàt,
suta i purtòn at sbutunavu 'l braji
e 't favi "Cimiciaci" an mèz ai ràt.
Pensè che la pü bèla sopa a l'era
con sincsent liri ut fava fè 'na mon
ta t'n'ancuzivi nenta meca l'era
suta la gòmba chёrta la tniva 'n mòn.
U j'era la "Gertrude buca bèla"
la sò specialità j'eru i pumpen
a l'era ancur pü brava 'd sò surèla
la tniva la dentera an su sgablen.
La "Rusa", l'era la pü ricercaja,
la diva: "Sòn Regen-na del cantòn,
sò nent perchè a stag chì a fè la scajia
al sò che prima o pò andrò lunton.
Difatti dop 'n pò u s'è pü vista,
a l'era 'ndacia vea da la sità,
us era annamurajia d'in regista
cu la fa travajè a Cinecittà.
Via Milazzo, adès a l'è cambiaja,
cul curt d'na vòta ormai j'esistu pü,
nònca co'u lanternen 't tròui 'na scajia,
anche se 't vai a serchèi, i sòn propi pü.
Chissà che fe-n ch'hòn facc cul pover Doni,
ch'i stavu nòcc e dì sut cui purtòn
e pèr poc sold i davu a tücc cui j'omi
an po' d'amur e 'n po' 'd cunsulasiòn.
Lisòndria, 21 Utuber 2006
