AMUR E MORT
A’i vigh ancura là, ans cul pugiò
ch’i parlu e ‘s uardu ‘nt j’ògg
sensa capì
perchè i sentivu l’on-ma ch’la tremava.
A l’era u 3 Utuber 1960.
L’istà l’era finì e la sira frёsca
la culurava l’aria ‘d tinti forti.
“Sò nent ‘cme fè a dit cul ch’j’ho ‘nt el còr”.
Mentre ch’al parla, lü u ten j’ogg bass.
E lé ui rispònd con la sò vuz tremònta:
“E mè j,hò pòura ‘d senti cul che t’am vòri dì,
savrèisa propi nenta ‘se rispondti”.
La strà suta ‘l pugiò l’era desèrta,
u j’era ammac in ciuca n biciclёta
e ‘n popi ‘n là, in gatt cu scuratlava.
La luce ad cul lampiòn, l’ünic anvisch,
l’allüminava ‘n pò la strà bagnaija.
La porta del pugiò l’era druèrta
e us sentiva j’ater ciaciarè,
ma ‘nzёn u s’era acort,
che propi le a poc meter,
du on-mi is preparavu per l’infèr.
“T’al sai pü ben che mé ch’a son marià
e mé mujé un vò ‘ncura in bén ad l’on-ma,
ma ‘lè da ‘n pò che mé a pens semp a tè,
sò nenta cmélamai ,
ma ‘péna ch’a drób j’ògg, t’hò zà ‘nt’la ment”.
“Ơnche mé a sòn mariaja, ma mé marì
um trata ‘cme s’a fijsa nonc al mònd”.
Da cula sira anzёn u j’ha pü vist,
nè i familiar e nònca tücc j’amiz.
El sèrvi dèl cantòn, parlondzi an s’èl mercà
o quònd ch’i ciaciaravu ‘n v. Milazzo,
i favu tüti ‘l sò supuzision,
ma la versiòn ormai pü acreditaja,
a l’era cula ch’j’eru scapà ‘nsèma
e j’eru andacc a stè forse a Tirén.
I divu: “lé lè ‘na porca,
a l’ha abandunà el fiò e ‘l marì.
E lü ‘l curiva sempr a drera ‘l doni,
i sòn dòi spurcaciòn, dòi disgrasià”.
D’allura u j’è pasà pü ‘d quarònt’ani
e méa m viz ancura che ‘n sì giurnal
a j’avu publicà ista nutissia:
“Un pescatore ha rinvenuto
nel groviglio dei cespugli lasciati dalla
piena del fiume Tanaro, i corpi di due persone
strettamente abbracciate.
Si tratta probabilmente di duplice suicidio.
L’esame necroscopico fa risalire la morte
presumibilmente all’8 Ottobre.
I familiari sono stati avvertiti”.
Adès ‘ns cul pugiò u j’è i gerani
e ogni tònt a vigh
ina maznà ch’la giòga còn ‘na buata.
Anzёn l’ha mai facc caz, l’ha mai nutà,
ma mé, uardonda bén, j’hò vist tònt vóti
l’òmbra ‘d dù on-mi scüri
che còn la mòn ‘nt la mòm, is uardu ‘nt j’ògg.
Lisòndria, 12 Dicembér 2007
Gianni Regalzi
