Burina & Michina
‘Na sira a teater
BURINA: - Ouuuhh ! Uachitla ! A t’ ö telefunà l’atra sira ma t’ am’ ai nent rispost. Pensè ch’aj’ ö lasà sunè ben, ben, neh…Us vigh che: ö t’ eri tüta piaja per vighi el tö amiss Berlüsca an televisiön öt’ devi fèt rangè el tampax da l’oturinuceriatra…
MICHINA: - Ma va nòn aruabi... Che tampax…Us diss membrana sentitiva…L’ otorinu che?…Atorinoloingoiato t’aurivi dì ! Ma che scöli t’ aj facc ? E pö, mé ‘d pulitica se c’um ‘na frega…Uramai, i son pü ‘d sesont’ani chi son nent bönn a bütiss d’acordi. Ammachi quond chi von a mangè ‘ nsèma !!?
A t’ ö nent rispundì perchè a j’era andacia a teater, l’atra sira; a sonn andacia an Sitadéla. Uj’era la müsica.
B.: - Orcuuuu…Dabon ? Tei sé che t’ei ‘na mondana ! E se cuj’ era ? L’era bèl ?
M.: - Se ca na só, l’era gratis…A j’ era nent ubligaja a stè ‘tenta !
B.: - T’ aj razón…Però ta t’ ei facia na cultüra ad sicürr…
M.: - Ater che cul-türa…J’ è ‘ndacc poc c’am l’a feissa ‘doss !
B.: - Se cu t’ è capità ? T’avi la pònsa scuataja e u t’è ‘m’ni la sghiaróla…
M.: - Propi parigia…Ma ‘l bell a l’è nenta l’afè tisiologico, an sé medesim,
d’la liberasion corporea metafisica.
B.: - Eeeehhh, se t’aj dicc ?
M.: - L’è per nenta parlè grass…t’sai…na frase c’ um’ ava dicc me marì per nent parlè c’mè ‘n uatarón…
B.: - Ma lassla buji…tó marì l’è in urgion c’u sa nionca fè la O… Ma se c’a digh la O…u sa nionca fè la “ i “ sensa ‘l punten, nionca sui ten la mon el padron d’la Treccani.
M.: - Ah, sé, per sulè t’ai razón… ‘Na vòta l’a scricc Don Ivo Piccinini an ‘sin papé e mé a j’ó dicc che con sing “ i ”, almeno ans’jeünna el pudiva bütij
el punten e lü, is famladazi, u m’a dicc c’lè mea ‘n geometra, un l’è mea.
B.: - L’è veira, l’è veira e s’l’è ammachi per su lé, onche cul pichiquana d’ mé marì l’è pari a u tó. Lü, asu c’me c’l’è, el punten ul bita da suta ! Se pö l’abbuì ‘n po’ d’ grignulen u scriv an vertical e us firma con u nom d’ in’ater, donca figürti té c’me ca suma piasaj…Ma se t’ stavi per dì prima…che t’ei andacia a senti la müsica c’mè c’la füssa ‘na pürga ?
M.: - Noo, ‘na pürga…t’vóri mea c’a vaga fina ‘n Sitadéla anveci ‘d’ pié la dolce Eucheseina c’ut fa ‘ndè au cesu da la sira a la mateina ?
B.: - Orcuuuu…Quondi che t’parli ad certi argument u smeja che t’abi stüdià puesia ansèma a Quasimodo…! Alura daj, chënta, chënta !
M.: - Donca…Am la spiciava zà perché da seina java mangià doj peier d’la madernassa, quater armugnac suta spirit, trei kivi e pô am son abujia mes liter d’ tamarindo. Prima d’sorti, per esi sicüra d’ digerì, am son sparaja ‘n t’el ganareis ‘na brancà d’magnesia Brioschi. Però, an t’la bursëta, a m’era zà preparaja sés stupon e quater Imodium…
B.: - Esageraja ! L’era basta ‘n limon…
M.: - A j’ö za pruà ma quòndi ch’al tir vea, um scapa turna !!
B.: - Füsti orb ! Ut cunveniva pü tont fè n’asicürasiön antigrandine e pô ad ses stupon set’na favi… Ah… va ben che bütaji ad travers… i venu pü chërt…se, se, aj’ó capì, va püra anon…
M.: - An t’u sgond temp l’a pià a rujemi la ponsa ma sübitt am scrediva chel füssa el telefunen côl vibra-vibra, perché l’ava ‘nfilà ‘nt’la ghepièr, per nenta femli gratè…An bel mument, onsi brütt mument, a son sautaja ‘n pé c’mè ca füssa stacia murdjia da ‘l serpent cöj campanen…Figürrti c’aj’era setaja a l’out an s’la tribuna e a son calaja zü da cui scalen c’mè füssu stacc in sivolo: …aj’ö faci tüti con l’oss del Paradiss ! Pénna stacia ‘n tera aj’ö ciamà ‘l maschero…sé maschero perché uss ciama Mateo…a m’era ‘nfurmaja prima…Mateooo, per piazì, famm sign andó chi son i cesu che se t’at büti a spieghè t’am sgari d’jatim chi poru essi fatal !
Alura lü s’è sgagià a sbrasesi: “C’l’a vaga da lààààà, an s’la piassaaa, andó cu j’è ‘l gaseboooo”. Ai duzent a l’ura a son andacia a suta ‘l gazebo ma a j’ö pensà: st’afari chi l’è quatà ammachi d’ansüma, da suta im vigu tücc se ch’a fass, füsti orb d’in maschero. Ancura sé ch’jö dugià del gabeinni russi c’m’el fô, ajava zà i südur ch’jamnivu zù, am son dicia: onca sa son gabeinni da spiagia me aj l’a fass pü, pó a fass pulid dòp, am fass dè l’Aiax Tornado c’m’è prima ! Andö c’l’è la maniglia…’n’a gabeinna sensa l’afari per drubì ma us pô ? U j’è rivà jën ch’u ma dicc: “Infili lì e tiri verso di sé”. Se ca ‘nfil munsü…a mument a m’anfil tütt t’el müdondi sa trov nenta la maniglia. Alura, uss vigg che l’era stitic e l’ava temp da perdi, u m’a druert lü al vul. Am son catapültaja andrenta, aj’ö dacc ‘na testà ancontra la plastica cu j’era da la part da là, a mumenti us ribalta tütt el marchingegno…A uard…tütt russ…el bogg andó c’l’è…che gronna..! U j’era ‘n scalen con ‘na leva..u smjava el combi d’in pulmann…antont am gav ghepièrr e müdondi an t’in culp sul…su j’è la leva del combi us duvrà bitil an moto prima ‘d fè ‘l la tersa guèra…tont j’ö vist in cuercc, l’ö aussà, j’era in bogg ma stupà da na lamera lüstra c’m’è ‘n specc, forse per pudeisi cuntrulè meji la marmita, a só nenta ma c’m’è c’am son vutaja, caru miuuu, con in esplusión liberatoria c’us smjava ‘n petardo da stadio d’ balon, a j’ö anvernizà cul specc cu j’era da suta…A j’ö ampinì tütt l’ampinibil…Im favu ma ‘l gombi (ozà… at vurrai mea c’am sèta andó ch’iss sètu duzent ciapi au dì..! Eh, aba pasiensa, neh !) e am son pugiaia an s’la leva del combi cu s’è spustaja suta ‘l mé peis… adjiu, j’ö dicc: adess us bita ‘n moto… chissà ‘ndó c’a vaga finì sensa patent. Anveci no, tütt tranquil, ancura sé, us vigg ch’uj mancava la bensina. Am gir da dré per cuntrulè se ant’l’esplusión ajava anvernizà cuc’cosa d’ater…Ouh cribbiu ! ‘N dô c’l’è ‘ndacia ? A na j’ö facc almenu doj chilu e uj ‘na j’è armas nionca ‘na furvaja !? L’avró meja stampaja ‘n s’la müraja da dré !? No, tütt bela pulid ! Che robi…che robi..! An t’ist paiss, t’fai nionca a temp a fè cucc’osa cu j’è sübitt jën c’ut t’la porta vea da suta ‘l cü…Orcuniti…Ma se ch’is na fön ? Mé a riess nenta capì… Basta c’la seja gratiss e aléé !! Ben, per fèla chërta, am son strugiaja perché uj’era onchesé la carta, cula morbida, a gratis !! Aj’ö pü tucà niente e a fass per sorti…Nionca da la part da chi uj’è la maniglia, forse per la par condicio con cula d’adnon…Che gronna turna fiöj…Pussa da chi…pussa da là…A j’ö vist n’afari nejer c’u smjava ‘n frucc e gira, gira, gira a l’ö svidà talment tont c’l’è drucà ‘n tera e u s’è drubì la porta. An t’la vita us fa fadeja fina a sorti d’an cesu. Che robi, Burina, at capì se cu m’è capità ?
B.: - Euuuuhhh, aterchè !! In’atra vòta anfurmti prima s’uj va la patent o u chaffeur per pudej fèla an t’issi gabeinni a mudur, porca l’òca !! Adess at salütt perché …a sent c’um vibra la ponsa ma mé el telefunen ló lassà a ca…Ciauuuu.
Ferry
