LA TAJEREA DEL PEJ [1]
- Serca 'd visèti vërna, ant el nov'uri,
'd amnì 'nt la Pista pü che puntual;
ven püra piòn pianen, t'ài nent da curi
pasuma ansèma in ura ad cul special.
Èl pòst il ciamu ant 'na manera strana:
"la Tajerea del pej", so nent perchè;
visti d'amnì, sta nenta a fè la nana
e tenti pront, che t'ài da travajè.
- A j'ó pensà anlura, ant in mument:
"Se Antonio el vó ch'a vaga u j'è 'n mutiv...
'cse ch'a dev fè per fèl amnì cuntent?
S'al cuntent nent sicür ch'al ven cativ!"
Anlura a j'ó pensà: "A pòrt 'na lama,
savon e pné e voja 'd travajè;
a pens che chica fija o chica dama
pèr esi pü mudèrna... as fa sbarbè.
A l'è, second a me, 'na mòda luca
(per dì la verità l'am piasla nenta!)
cula 'd rapès la barba avsen la... buca,
'na moda, a son sincer, che 'n pò 'm spauenta.
Ma pèr j'amis um tuca travajè,
am la farró 'ndè ben, tònt ai giont nenta;
cul ch'a dev fè, an fond, 'l è 'nmac tajè
ma me 'd tajè... farrò anmac la fenta!"
1: 12 Settembre 2008
[1] 12 Settembre 2008
